Jokoan irabazi ninduzun,
eta jokoan galdu,
arma txiki batez arerioaren gudarostea
gainditu nahi izan zenuenean.
Geroztik naukazu bila,
zure herrialde umilean
eta nire aberri galduko
zulo debekatuetan.
Bizitza erraria gerarazi zenidan
eta leherketa atomiko baten gisan
maitasunak eztanda egin zuen
gau iluna argi arriskutsu bihurtuz.
Galdu zenuen egonarria
eta jokoan galdu ninduzun,
baina non aurkitu argitu zenidan:
topa zaitzaket berriz, lagun hori.
Zaldiz bilatuko zaitut
egunaren hozkirria argitzean.
Amuitz 