Fereka egin didazu gaur gaueko ametsean,
zure irudi lauso beroaren ondoan etzan naizenean.
Gero ohez, gelaz aldatu naiz
eta armiarma berde ilun erraldoi batek
hanka iletsu beltz nazkagarriak astindu ditu
nire gainean
leiho ondoko ohearen pareko sabaian.
Jakin ezazu ametsa egi bihurtuko balitz,
benetan ikusiko banizkizu arma jostariak,
ez nintzatekeela zure aldamenetik mugituko,
zure eskuak eta nire ahoa
oraindik ere jolasean arituko liratekeela.
Eta ez armiarmaren beldurragatik,
aitzitik, arrastaka daramadan damua behingoz
itotzeagatik.
Amuitz 