Erromatarren arrasto hondarrek
gure begiradan utzitako
edertasun jauskorraren antzera,
geratzen zaizkigu bihotzean
maitasun erorien hartxintxar aleak.
Bizitza honetako antzokian,
noizbait irmo izandako
zutabe zati bakoitzaren gainean,
hegazti harro batek gordetzen du
amodio galdu haien
ikuspegi luzeko orratz kamutsa.
Aztarnaren kolore biziak ezin du
joandako lilura antzua berpiztu.
Amuitz 