Ehungarrena,
ehunetik azkena,
ehuneko ehun.
Bidalketa honek zenbaki borobila:
ehun dira argitaratuak.
Ospakizunik ez baina
hurrengo fasera aldatuta,
hiru digituetara gure zenbatzeko moduan.
Bat zero zero eta aurrera.
Aurreko laurogeita hemeretziekin
pilota bat egin dut
eta haizetan idortzen utzi
ondu daitezen kresalaren ferekan.
Jarrai dezadan aitzina
basoetako zidorretan,
itsasoko apar gainean,
haize boladetako korronte epeletan.
Datorrenaren zioa jaurtia da
orri honetako ataletan,
Parnaso azpiko golko amestuan.
Amuitz 